ამ პოსტში ბევრს ვერ ვისაურებ , იმიტომ რომ სერიალი რომელზეც დაწერა მსურს, მხოლოდ ახლახანს დავიწყე, მაგრამ ისეთი შთაბეჭდილებები დამიტოვა , რომ მინდოდა აუცილებლად გადმომეტანა აქ!
საერთოდ უნდა ავღნიშნო , რომ ვამპირების მოყვარული არ ვარ, არც ჩემი ოცნების ბიჭია ვამპირი, ნუ ოცნების ბიჭი არც მყავს , მაგრამ რომც მყავდეს ვამპირი ნამდვილად არ იქნებოდა. ჩვენს რეალობაში სიტყვა ვამპირზე უმეტესობას "ბინდი" უდგება თვალწინ, და რათქმა უნდა ედვარდი და მისი ოჯახი, დანარჩენ ადამიანებს კი ალბათ ძმები სალვატორეები " ვამპირის დღიურებიდან" მაგრამ ვფიქრობ პირველი შთაბეჭდილება მაინც ბინდია.
ყველაფერი იქიდან დაიწყო რომ, დღე Gossip Girl –ს ვუყურებდი ხოლმე როცა საქმე არ მქონდა არაფერი, ჰოდა როცა შემომელია, ვიფიქრე რა შეიძლებოდა დამეწყო და True Blood წავაწყდი, მანამდე ადრე გადმოვწერე კიდეც 1 სერია , მაგრამ არც შემიხედავს ისე წავშალე, მორიგი Shit მეგონა ვამპირებზე, მაგრამ რამოდენიმე დღის წინ ისევ ვცადე და მეორე შანსი მივეცი , დააა გაამართლა!!! პირველივე სერიას , ისე ვუყურე მგონი არც ვსუნთქავდი, ეგრევე მივაყოლე მეორეც და მესამეც, არადა 53 წუთია , თითო სერია, თითქმის 10–13 წუთით ბევრი სტანდარტზე. მოკლედ აღფრთოვანებული დავრჩი, ძალიან მომწონს ის, რომ სერია მთავრდება ისე, რომ სულმოუთქმენლად ელი შემდეგს, აბსოლიტურად ყველა სერია დამთავრდა საინტერესო მომენტზე.
მბრწყინავი ედვარდისა და გულუბრყვილო ჯეიკობის შემდეგ, ბილი და ერიკი ნამდვილი მამაკაცები არიან!!! ედვარდს და ჯეიკობს რომ თავი დავანებოთ, ... მოკლეედ ვამპირი თუ ოდესმე წარმომედგინა, მხოლოდ ასეთები, ჯერ ვიზუალურად მომწონს ორივე ძალიან, არცერთი არაა 19 წლის თინეიჯერი ბიჭი , ჯერ მარტო ერიკის ტანს და სიმაღლეს რომ შეხედავს ადამიანი.. მომწონს ის , რომ არიან ისეთები როგორც ჩვენამდე მითები მოსულა ვამპირების შესახებ, არ აქვთ აქ რაღაც ჯადოსნური ბეჭდები , რომ მზისგან თავი დაიცვან და თუ ვერ დაიცვეს ფერიებივით არ ბრჭყვინავენ. გარეთ მხოლოდ ღამე გამოდიან და მათზე ვერცხლი მოქმედებს, მოკლედ იდეალური ვამპირები არიან. კიდევ მომწონს რომ ყველაფერია ამ სერიალში, სიყვარულიც, საშინელებათა ჟანრიც საკმაოდ არის გარეული, გარეული კი არა, ზოგჯერ ვახვევ ხოლმე რომ წინასწარ ვიცოდე ვინ საიდან გამოხტება , ეროტიკაც ოხრად არის DDD, საკმაოდ თამამი სცენებია . მოკლედ ძალიან მომწონს ეს სერიალი, საერთოდ ღამე არ ვუყურებ ხოლმე ასეთ ჟანრს, იმიტომ რომ მაინც არ მინდა ძილშიც ერიკს და ბილს ვხედავდე , მაგრამ ისეთი საინტერესოა რომ მგონი მნიშვნელობა არ აქვს როდის ვნახავ, ძალიან დიდ იმედს ვიტოვებ რომ მეორე სეზონიც ასეთი იქნება . ერთადერთი ნაკლი რაც სერიალს აქვს არის ის რომ.... ცოტა სერიებია!!! 12–13 სერია არაფერი არ არის!!!
ნამდვილად ვერ დავწერ True Blood ზე ისეთ პოსტს გარჩევებით , თითოეულ პერსონაჟზე როგორც წინა პოსტი იყო Gossip Girl -ზე, უბრალო მიზეზის გამო, პირველი სეზონიც არ ჩამიმთავრებია ჯერ, 1 სერია დარჩა და წინ კიდევ ძალიან ბევრია დარჩენილი, თან დარწმუნებული ვარ პერსონაჟები აუცილებლად შეიცვლებიან ხასიათით და საერთოდ შეიცვლება მოტივებიც.
მოკლედ მომავალ შეხვედრამდე!
